Heim til jul - med små avstikkarar

Snart jul igjen 

Hestar og fjell i morgonlyset

 Nå er Jólakötturinn  på plass  med glødande auger, det glitrer og stråler overalt  i byen, og eg øver på julesongar. Eg er blitt med i Kvennakórinn Hrynjandi, og der er det mange gilde, inkluderande og trivelege islandske damer. Men eg strever med å læra tekstane. Nokre er heilt greie, vi har ein verkeleg morosam og kul ein om Grýla  - Grýlukvædid heiter den Her er det side opp og ned med tekst, men den er heilt grei for det er ein historie. Soga om Grýla som  er svolten når barna har vore snille, og som gler seg når barna er slemme, då raser ho rundt på bygda og samlar dei i sekken sin - dei slemme altså - for så å koka og eta dei heime i Dimmuborgir saman med Leppaludin, mannen sin. 

Vi veit ingen ting om krydring av slemme barn

Is på Tjörnin og barn går på skeiser

Utanåtlæring

Dei tekstane eg har problem med er dei som bare skildrar ein tilstand, litt sånn lys og

Kvennakórinn Hrynjandi ( foto Edda Ýr Garðarsdóttir)

 glede, barn og jul i ymse variasjonar. Dei er omtrent like vanskelege å hugsa som kasusbøying, bøya katt i bunden form for eksempel...( og eg som er så oppteken av kattar må jo greia å bøya dei?)

 Eg var ein kløppar med utanåtlæring før, då eg var yngre. Det skjer heilt klart noko med hovudet mitt, og eg liker det ikkje. 
Koret Hrynjandi gjekk i omkring i byen her om kvelden og song for alle som var ute i styggeveret, det var ca -10 og sterk vind. Det var helst turistar som var i byen, og dei var glade for å høyra oss. filma og greier. Eg er nok ei skikkeleg kuldaskræfa (dagens islandske ord - kjem tilbake til det). Eg fraus skrekkeleg, var forkjølt frå før og er blitt heilt øydelagt etterpå, men det var gildt! Dirigenten hadde fått Covid omgang 2, men ho er islending og stod han av.

 Brussel

Vi hadde ein tur til Brussel i førjulstida. Det var eit veldig hyggeleg gjensyn med byen vi budde i nærleiken av 2012-2015.

Tango-oppvisning

Vi åt god mat og drakk god vin, koste oss med østers på Place St Catherine. Gjekk i byen og fryda oss over dei vakre Noveau Art fasadane. Opplevde ein fantastisk  Laurie Anderson- forestilling på Bozar. Er de i Brussel må de gå dit,  forestillinga står til 8. januar. Det var ei slik virtual reality forestilling der sat med VR briller og svevde over jorda..

 VR reise

Vi hadde også funne ein tangoklubb i nærleiken av der vi budde, så det blei både kurs i dobbel ocho cortado av eit feiandes flott argentinsk dansepar, og milonga og oppvisning utover kvelden. Alle var hyggelege, tangofolk er gjerne det.

Brussel hadde endra seg sidan vi var der. Ikkje så mykje bilar, men meir plass til syklar og folk, triveleg tykte vi.

Tenerife før jul

Tene er "hytta" for mange islendingar. Vi møter dei hovudsakeleg á amerisku ströndindinni 

Kjekk mann i motlys - Tenerife

(Playa de las Americas). Der var vi ein tur i mars då vi (jukseislendingar) og alle dei ordentlege islendingane trengte littegrann varme. Dei er jo sabla få, men dei var overalt på amerisku ströndinni! Nå var vi i los Cristianos og der var det nesten ingen. 

Vi såg Nederland Argentina på fotballpub og var på karaokepub med rølpete engelskmenn, bada og sola oss og samla krefter til førjulstida.

Kulde, troll og huler

Huleinngangen

For då vi kom heim var det kaldt. Vi drog på huletur til Viðgelmir inst i Borgarfjordur . Utanfor hula var det minus 13 og isande vind. Det er vinden eg tykkjer det er verst å kle ute. 

Meir behageleg inni hula då. Hula vart laga av ein lavastraum ca år 900. Ho er ein del av det største lavaområdet i Borgarfjord som heiter Hallmundarhraun oppkalla etter trollet Hallmundur som mellom anna er nemnt i Grettis saga.

Hulegangen er veldig lang og ein del av han er gjort tilgjengeleg for ferdafolk. Fantastisk fargespel i mineralene i vegger og tak

Her ser de minerala i taket, klikk på biletet, så blir det stort

Guiden var geolog og hadde peiling på stalagmittar og - tittar og visste mykje om lava.

Interessant!

Heim til jul

I år skal vi heim til jul. Drar 22. så det vert knapt med tid og dårleg med sju slag. Men pinnekjøt skal vi ha, og det gler vi oss til. Og barn og familie og vener skal vi vera saman med. 

Kino- og teaterbesøk har vi planlagt og kanskje litt romjulstango?

Dagens islandske ord

Kuldaskræfa (uttalast som kuldaskreiva - med jærsk, breid diftong) tyder ein person som alltid frys, ei frostpingle, frosenpinn. Det er meg i ein isklump altså, eg går med skjerf og vottar når islandske damer går med miniskjørt og sandaler med bare tær.

For det er skikkeleg islandsk vinterver ute her nå, med snøfokk( skafrenningur, fjúk, skafbylur, ofanburður - mange ord for snøver på islandsk) og mange stengte vegar. Og vi finn ikkje spada som vi måkte trappa med i fjor....